Friday, August 31, 2012
प्राविधिक कलेजमा लाखौ रकम अनिमियतता
अधिराज्यका
सम्पूर्ण प्राविधिक शिक्षालयहरुमा आजभोलि धेरै अनिमियतता भएको देखिन्छ ।
यो रोगले नेपालगंजका प्राविधिक शिक्षालयहरुमा पनि भित्रै सम्म छोएको छ ।
प्रवेश परिक्षा देखि वार्षिक परिक्षा सम्म विद्यार्थीको ढाड सेक्ने काम
भैरहेको छ । नेपालगंजमा संचालित केही कलेजहरुले रजिष्ट्रेशन फारम शुल्कमा
प्रति विद्यार्थी दुइहजारका दरले बढी लिएको नेपालगंज टेक्निकल कलेजमा
अध्ययनरत कृष्ण वलीले बताउनु भयो । शैक्षिक सत्र २०६६÷०६७ को रजिष्ट्रेशन
शुल्कको नाममा प्राविधिक शिक्षा तथा व्यावसायीक तालिम परिषद
सि.टि.इ.भिं.टी को निर्देशिका विपरित कलेजहरुले रकम असुलेका छन् ।
प्राविधिक शिक्षा तथा व्यावसायीक तालिम परिषदको निर्देशिका २०६९ को १७ औ
बुँदाको दफा १७.२.२ मा उल्लेख भए अनुसार रजिष्ट्रेशन शुल्क दुईहजार
रुपैयाँ प्रति विद्यार्थी ( भर्ना हुँदाको बखत एकपल्ट मात्र ) लाग्नेछ ।
यस अन्तर्गत रजिष्ट्रेशन शुल्क तिनसय रुपैयाँ, फाराम दस्तुर पाँच रुपैयाँ र
सम्बन्धन , निरिक्षक, मूल्याङ्कन र पाठ्याक्रम दस्तुर रु. १६ सय ९५
रुपैयाँ । समेत समाबेश गरिएको स्पष्ट छ । यस अनुसार प्रत्येक कलेजहरुले
प्रति विद्यार्थीबाट दुइहजार रुपैयाँका दरले बढी लिइएको छ । यसको लेखाजोखा
गर्दा करिब ६ सय जना विद्यार्थीहरुबाट १२ लाख रुपैयाँ घोटाला भएको देखिन्छ
भने विद्यार्थीलाई थाहै नहुने शिर्षकहरुमा झन कति रकम हिनामिन भएको होला ?
नेपालगंज टेक्निकल कलेज , अलाइड कलेज अफ हेल्थ साइन्स र नेशनल
इन्जिनियरिङ्ग कलेहरुले मात्र दुइसय ७५ जना विद्यार्थीहरुबाट पाँच लाख ३४
हजार रुपैयाँ बढी लिएका छन् । यसरी देखादेख अनिमियतता भएपनि यस विषयमा कुनै
राजनीतिक दलहरु र अन्य सरोकारवाला निकायहरुले चाँसो नदिएको हुँदा
प्राविधिक स्वतन्त्र विद्यार्थी यूनियनका केन्द्रिय अध्यक्ष ललित नेपालले
आफ्नो संगठनले घोर आपत्ति जनाएको बताउनुहुन्छ । नेपालका अनुसार प्राविधिक
शिक्षा, नाम मात्रको छ झन त नेपालगंजका कुनै पनि कलेजहरुमा प्रयाप्त
प्रयोगात्मक सामाग्रीहरु नै छैनन् । यस्तै गतिविधिले गर्दा प्राविधिक
शिक्षाको नाममा विद्यार्थीहरुलाई नङग्याउने गरिएको छ । सम्बिन्धित
निकायाहरुले समयमै गम्भिर रुपमा सोचेर प्राविधिक शिक्षा आजको आवश्यकता
भन्ने नबुझेमा हामी सबैका बालबालिकाको भविष्य अन्यौल हुनेछ ।
Subscribe to:
Posts (Atom)